قاعدة الاربعين% لبيزنس الساس
لفترة طويلة جدا، كانت النصيحة الذهبية لأي مؤسس شركة ساس هي اكبر بسرعة والأرباح هتيجي بعدين.
لفترة طويلة جدا، كانت النصيحة الذهبية لأي مؤسس شركة ساس هي اكبر بسرعة والأرباح هتيجي بعدين.
النصيحة دي صلاحيتها انتهت. لو أنت حاليا بتجمع استثمار، أو بتخطط لبيع، أو حتى مستغرب ليه تقييم شركتك مش زي ما كنت متخيل، لازم تعرف إن فيه مقياس في السوق اسمه قاعدة ال 40% للساس.
في السوق النهاردة، النمو من غير كفاءة مبقاش ميزة. فيعني إيه أصلا قاعدة الأربعين؟
المفهوم بسيط جدا بس خادع. القاعدة بتقول: لو جمعت نسبة نمو الإيرادات السنوية مع هامش الربح ، الناتج لازم يساوي 40% أو أكتر .
Growth % + Profit % ≥ 40%
المعادلة دي بتجبرك تعمل توازنات صعبة، وبتقسم الشركات لنوعين:
الشركات الصاروخية: لو بتنمو بنسبة 100% في السنة، المستثمر ممكن يتقبل إن هامش ربحك يكون -60% (يعني بتحرق كاش). لأن: 100 - 60 = 40. أنت كده في الأمان. الشركات المستقرة: لو نموك هدي وبقى 10% بس، لازم تكون بتطلع هامش ربح 30% عشان تفضل جذاب. لأن: 10 + 30 = 40. لو بتنمو بـ 20% وبتخسر 10% (المجموع 10).. أنت كده بتحرق فلوس من غير ما يكون عندك سرعة النمو اللي تبرر الحرق ده.
ليه ده بيفرق في التقييم؟
يا صديقي السوق حاليا مابيسميش. الشركات اللي بتكسر حاجز الـ 40% بتاخد تقييمات ممتازة. أما الشركات اللي بتفشل، بتتعرض لخصم في تقييمها بيوصل من 25% لـ 40% ، بغض النظر عن التكنولوجيا بتاعتهم أو شطارة الفريق.
المستثمرين بطلوا يدفعوا فلوس في إيرادات جاية بتكلفة غير مستدامة.
طيب اعمل ايه علشان احسن من قاعدة الاربعين؟
لو حسبت حسبتك ولقيت نفسك تحت الـ 40، قدامك 3 حلول تشتغل عليهم
صافي الاحتفاظ بالإيرادات NRR
الناس اللي بيمشوا من عندك هو العدو رقم واحد. اللي يدخل ميمشيش! تكلفة إنك تعوض الدخل اللي ضاع عالية جدا. شركات البرمجيات القوية بتستهدف نسبة بين 115% و 120%. ده معناه إنك حتى لو مدخلتش ولا عميل جديد، شغلك بيكبر بنسبة 15-20% بس عن طريق إنك تبيع خدمات أكتر أو باقات أعلى للعملاء اللي معاك أصلا. لو النسبة دي عندك تحت الـ 100%، في مشكلة عندك!
الغي الربطة بين عدد الموظفين وحجم الدخل
تاريخيا، عشان تزود مبيعاتك، كنت لازم تعين ناس مبيعات أكتر. وعشان تخدم عملاء أكتر، تعين دعم فني أكتر. دلوقتي، الشركات الناصحة بتستخدم الذكاء الاصطناعي والتشغيل الآلي (الأتمتة) عشان تكسر القاعدة دي. بنشوف شركات بتستهدف هامش ربح إجمالي يوصل لـ 60-70% عن طريق إنها تخلي حاجات كتيره تتم بشكل آلي. لو قدرت تضاعف دخلك وأنت مزود عدد الموظفين بنسبة 10% بس، تقييم شركتك هيضرب في السما.
شركات اثق فيها في AI Agents
Mando AI
Cloudilic
قبل ما تحط خطة السنة المالية الجديدة، احسب نتيجتك في المعادلة دي. لو تحت رقم 40، قدامك قرار مصيري: يا تلاقي طريقة تسرع النمو من غير ما تزود المصاريف، يا تقلل المصاريف عشان تحمي أرباحك.
أنا بشتغل مع شركات، ومؤسسين، ومديري منتجات، وجهات حكومية، وخبراء في منطقة الشرق الأوسط وشمال أفريقيا عشان نبني ونكبر منتجات الساس والذكاء الاصطناعي. بشارك هنا أفكار عملية، وأطر عمل، ودروس حقيقية من أرض الواقع (مجانا) عن إزاي تبني ساس مدعوم بال ذكاء الاصطناعي ويكون له تاثير حقيقي في منطقتنا.
ولو محتاج شغل أعمق، أنا بقدم خدمات استشارية وتدريب عشان أساعد الفرق تبني المنتج الصح للجمهور الصح وفي السياق الصح.
ولو حابب انضم لاول مجتمع عربي على الواتساب لتعليم انظمة الساس المدعومة بالذكاء الاصطناعي: