محمد الشريف - Social Media Intelligence بالعربي
  • الصفحة الرئيسية
  • المدونة

    الأقسام

    عـــام
    تسويـــق
    الإستماع الذكي
    تقارير
    عرض البيانات
    أدوات
  • من انا
  • تواصل معنا
Reading: ازاي اكتب تقرير علاقات عامة من بيانات الانترنت
شارك
Aa
تواصل معنا
محمد الشريف - Social Media Intelligence بالعربي
Aa
Search
  • الصفحة الرئيسية
  • Social Media Intelligence
  • المدونة
  • من انا
  • تواصل معي
Have an existing account? Sign In
Follow US
Copyright © 2014-2023 Ruby Theme Ltd. All Rights Reserved.
محمد الشريف - Social Media Intelligence بالعربي > المدونة > تقارير > ازاي اكتب تقرير علاقات عامة من بيانات الانترنت

ازاي اكتب تقرير علاقات عامة من بيانات الانترنت

محمد الشريف
Last updated: 2023/11/27 at 11:12 صباحًا
محمد الشريف تقارير
شارك
8 Min Read

اهلا وسهلا بيك يا صديقي العزيز في مدونتي اللي بكتب فيها مواضيع علشان اقدر اساعدك.

العناوين الرئيسية
يعني ايه علاقات عامة؟اولا تحديد المدة الزمنيةايه اللي محتاج تعرفه؟طيب تقارير بالسرعه دي وبالحجم ده، مش هاحتاج اداة تساعدني؟ ايه نوع المعلومات بقى اللي المفروض تقرير علاقات عامة يحتويه؟ومن هنا خليني ارشحلك ممكن يكون ايه نوع المعلومات1- حجم البيانات الموجوده اونلاين عن الموضوع2- نوع المشاعر والمواضيع 3- المقارنات4- المصادر

النهارده الموضوع عن كتابة تقارير العلاقات العامة من نتيجة مراقبة وتحليل المحتويات على الانترنت.

يعني ايه علاقات عامة؟

انت شخص وظيفتك هي التاكد من جمالية صورة الشركة دائما. لازم تبقى متاكد انه نظرة المجتمع ليكم إيجابية وان سمعتكم حلوة.

 

معظم الوقت بترد لو فيه حملات سلبيه بصورة منمقه وجميله تتناسب مع جمهورك، بتشرح سياسات الشركة العامة، وبيكون ليك دور مهم جدا في بناء العلاقة مع الجمهور.

طيب انا تواصلت مع مؤثرين علشان ننشر تعليقات الشركة او عملت PR RELEASE ومحتاج اعرف واقيس مدى نجاحه. 

ساعتها انت هتبدأ تكتب تقرير. خليني اساعدك هنا بقى.

اولا تحديد المدة الزمنية

انك تعمل تقرير يومي، غير اسبوعي، غير شهري، غير ربع سنوي، غير سنوي. انك تعمل تقرير لمدير في الشغل، غير الموظف الغلبان اللي المفروض انه يقرا 100+ صفحة، غير رئيس الشركة اللي عايز يعرف الخلاصة والنهاية.

 

طيب ايه اللي هيفرق؟

  • حجم التقرير وده يشمل عدد الصفحات.
  • نوع المعلومات.
  • حجم المعلومات وده يشمل عمق المعلومة
  • طريقة العرض.

تعال افهمك واحده واحده لو انت مش فاهم قصدي ايه

لما تبعت تقرير يومي، لازم تبقى فاهم اللي هيقراه ده عايز ايه؟

بكل بساطه في ناس بتحتاج التقارير Archive مش اكثر. 

 

يعني هو فعليا مش هيقرا التقارير بس هيرجعلها لما يحتاجها. ساعتها ممكن تلاقي نفسك بتعمل تقرير 100 صفحة مثلا يوميا.

 

لانه بيحتاج مثلا يعرف كل الناس اللي علقت على خبر معين او كل الجرايد والمجلات اللي كتبت عن شخصية معينه. 

وممكن تبقى مع كلاينت ابن حلال مهتم فعلا ان يبقى عنده تقرير تفاعلي يقدر ياخد بيه قرارات سريعه. لكن هنا انت وحظك لانه ممكن يكون سريع جدا لدرجة مثلا انه عايز تقرير يومي الساعة 10 الصبح بيغطي من 8 الصبح امبارح لحد 8 الصبح النهارده.    ساعتها انت  قدامك ساعتين بس تعمل فيهم التقرير.

ايه اللي محتاج تعرفه؟

لازم تكون فاهم احتياجات العميل فعلا وخاصة هو عايز تقرير مدته ايه وعايزه امتى ومين اللي هيقراه وايه هدفه الحقيقي منه. 

لانه ده هيساعدك تعرف:

  • حجم التقرير.
  • حجم المعلومات.
  • نوع المعلومات.
  • وطريقة العرض المناسبه ليه.

خلي بالك طبعا في تقارير الأزمات لانها بتكون عرضية ملهاش وقت. الافضل تكون مجهز Template ويكون موافق عليها العميل علشان لو قدر الله وحصل حاجه تقدر تتحرك بسرعه شديده وتسلم تقرير سريع في خلال ساعات وتسأل واحد تاني بعدها ب 24 ساعه مثلا عن تفاصيل اكثر وواحد كمان بعديها ب 3 ايام عن حجم التغير اللي حصل.

 

طيب مش ده هيتطلب منك شغل 24/7؟ اه معظم ال Marketing Agencies بيكون عنده 2 او 3 شيفتات للعملاء المهمين. متخليش حد يستهبل عليك ويقلك معلش اشتغلي 12 ساعة او اكثر.

 

انا عارف انه ساعات الشغل بيكون صعب وانه تلاقي شغل بيكون تحدي. بس خليك عارف انه ده مش الطبيعي ومش صح انه يكون طبيعي.

طيب تقارير بالسرعه دي وبالحجم ده، مش هاحتاج اداة تساعدني؟

وجود اداة هيكون شيء مهم جدا فعلا لكن مش Deal Breaker. يعني مثلا ممكن تستخدم عادي TweetDeck او BuzzSumo وييديلك معلومات كثيره بفلوس قليلة.

 

لكن لو عايز تروح لمرحلة الوحش، ساعتها هتبقى محتاج ادوات مراقبة اقوى بتجيبلك من كل حتة متاحة زي Crowd Analyzer, Meltwater, Synthesio, Talkwalker, etc.

لو مماعكش يبقى خلي في البدايل اللي قلتها في الاول فلوسها مش كثيره قوي. مثلا Tweetdeck ببلاش حتى الان.

 بيدأ BuzzSumo  بحوالي  $119 /mo في الشهر يعني حوالي 3600 جنيه في الشهر اقل خطة فيه.

 

ممكن كمان Notify.ly وفيه خطة ببلاش وممكن تستخدم Upgrade ومش مكلف.

 

ولو ملكش في ده كله يبقى اتعلم بقى. ولو مش عايز تتعلم هتخسر اه بس لسه ممكن تعمل التقرير انه تروح تستخدم Native Search في كل بلاتفورم انت عايزها بس ده هيعتمد على سرعة تسليم التقرير وحجمه زي ما اتفقنا.

ايه نوع المعلومات بقى اللي المفروض تقرير علاقات عامة يحتويه؟

دلوقتي خلينا متفقين انه خلاص استقريت على الحاجات اللي قلناه فوق:

مين هيقرا التقرير؟

هو عايز المده ايه؟

هو فعلا عايزه ليه؟

عايز يشوفه امتى وازاي؟

لو عملنا كده يبقى دلوقتي نقدر نحدد بقى نوع المعلومات اللي يتناسب مع حجم التقرير ومن خلال النوع نقدر نديله حجم المعلومات برضه اللي يتناسب مع الاسئلة اللي فوق.

ومن هنا خليني ارشحلك ممكن يكون ايه نوع المعلومات

الحاجات اللي لازم تاخد بالك منها لما تعمل التقرير.

1- حجم البيانات الموجوده اونلاين عن الموضوع

ودي خطوة مبدأية. اللي بيقرا بيكون عايز يعرف هل في زيادة او نقصان في حجم البيانات عن العادي او المتوسط ولو تقدر طبعا تديله معلومات عن كام بالظبط، يبقى اعمل كده.

2- نوع المشاعر والمواضيع

هل الناس مبسوطه؟ *عمر الناس ما كانت مبسوطه 😀

في بعض الصناعات لما يبقى مؤئر السعاده مثلا عندها سلبي مش سلبي جدا او محايد مش سلبي جدا فده يعتبر ليها انتصار وخاصة صناعات Telecommunication مثلا لان الطبيعي محدش هيتكلم الا اذا في مشكلة مش زي صناعات  الاكل اللي ممكن حد يبعت قد ايه هو مبسوط من المحل.

طيب اعمل ايه لو معنديش اداة تقدر تحلل المحتويات او تحط مواضيع بصورة اوتوماتيكيه؟

ساعتها انصحك تستخدم اداة زي Roasoft علشان تحدد بيها Sample تاخدها من الشريحة اللي بتراقبها ومنها تقول يا جماعه مثلا انا اخدت X محتويات بX و Confidence Level x.

3- المقارنات

حاجه هتساعدك جدا في التقرير بتاعك هو انك تحتفظ ب Record لكل حاجه قيمة ومن على اساسه تقدر انك تعمل مقارنه بين الوضع الحالي والسابق.

 

طبعا لازم توحد المدة الزمنيه, يعني مثلا يوم بيوم او اسبوع باسبوع او 3شهور ب 3شهور. قارن دايما Apples with Apples والا الصقر هيفضل دايما فاكر نفسه وحش علشان مش قادر يسبح.

 

4- المصادر

لو قدرت، اعمل المصادر اللي جبت منها البيانات بتاعتك. يعني مثلا ممكن تعملها بالطريقه دي:

Online

  • Social Networks such as Facebook, Instagram, Snapchat, YouTube, etc.
  • News websites.
  • Forums.
  • Blogs.
  • Reviews.
  • Podcasts.

Offline

  • Magazines.
  • Newspapers.
  • TV.
  • Radio.

لو انت معندكش الادوات اللي تقدر اصلا تجيب بيها معلومات يبقى حاول على قد ما تقدر تكون واضح في المصادر اللي انت بتجيبها.

اتمنى ليك النجاح وانك ان شاء الله تعمل حاجات مذهلة. اتمنى ليكم انكم تكونوا قريبين من ربنا واهدافك كلها تحقق ان شاء الله. انت شخص رائع مختليش حد يحبطك. انت احسن بكثير مما تتخيل.

تحياتي ليك،

الوسوم استراتيجية رقمية, تحليل بيانات, تقارير, تواصل اجتماعي, علاقات عامة
محمد الشريف مارس 21, 2021
شارك المقالة
تويتر واتساب واتساب لينكدان انسخ
ايه رايك في المقالة؟
حبيتها0
احزنتني0
اتبسطت0
اغضبتني0
By محمد الشريف
Follow:
انا محب للناس واتمنى ان نجد الارض مليئة بالخير والمحبة بين مخلوقات الله دائما وابدا. انا شخصية تستمد قوتها من الاشخاص واقدم دائما الافضل وانا اعمل معهم. احب متابعة الانيميشن الياباني وكل ما يتعلق ايضا بسرد القصص من البيانات. احب القدرة على توصيل المعلومات الصعبة بكل سهولة للجميع. احاول زيادة المحتوى العربي القيم ولست متخصص في اللغه العربية. لذلك اتمنى ان تجد ما اقدمه مفيدا لك في حياتك المهنية والعامة.

البحث في الموقع

المواضيع

  • أدوات3
  • الإستماع الذكي للبيانات4
  • تسويق3
  • تقارير3
  • عام5
  • عرض البيانات5

ممكن يعجبك كمان

الإستماع الذكي للبياناتتقارير

اختيار الوحدات القياسية – Choosing the Right Metrics

محمد الشريف محمد الشريف
أدوات

المعايير المهمة لما تيجي تشتري اي أداة لتحليل ومراقبة البيانات على الانترنت؟

محمد الشريف محمد الشريف
عام

دليلك الشامل: من تحليل البيانات لحد عرض النتائج

محمد الشريف محمد الشريف
  • Social Media Intelligence
  • تواصل معي

هدفي هو نشر العلم وخلق مجتمع هادف وواعي بمجال ال Social Media Intelligence بالعربي. 

النشرة البريدية

جميع الحقوق محفوظة لـ محمد الشريف © 2023

Follow US

اشترك معانا لو تحب ابعتلك الاخبار في الايميل

اتمنى لك النجاح دائما

لو في حاجه سريعة ومهمة هابعتهالك من هنا

اتمنى انك تتواصل معايا في اي وقت لو محتاج مساعدة
Welcome Back!

Sign in to your account

نسيت كلمة السر؟