كمية البيانات الرهيبة
مع التقدم الفظيع اللي بيحصل حوالينا، مفيش اتنين يختلفوا على أهمية البيانات. تعالى نتخيل حجم البيانات سوا، وأقولك على التقرير اللي اتنشر في Statista، اللي قال إن حجم المعلومات اللي المستخدمين استهلكوها في سنة 2022 كان حوالي 97 زيتا بايت (الزيتا بايت = تريليون جيجا بايت).
"حلل المعلومات، وهي هتكشفلك كل الأسرار"
تحليل البيانات
تحليل البيانات هو عملية فهم وتحليل الأرقام والمعلومات. وده بيتم عن طريق استخدام برامج وتقنيات إحصائية علشان نطلع من البيانات معلومات دقيقة ومفيدة.
فايدته؟
بمتابعتك للمعلومات والأحداث القديمة وتحليلك ليها، ممكن تتوقع اللي هيحصل. كمان هتقدر تاخد القرارات الصحيحة وتحسن من الأداء سواء كنت شخص، شركة، مؤسسة، أو حتى حكومة.
أنواع تحليل البيانات
1- التحليل الكمي
التحليل الكمي بيكون باستخدام الأساليب الإحصائية والرياضية. وأنواعه تلاتة:
1.1 الوصفي
1.2 الاستنتاجي
1.3 التوقعي
معناه وصف لحدث معين، من غير توضيح أسبابه.
بيستخدم لتحديد العلاقة بين أحداث مختلفة.
وهو توقع اللي هيحصل بناء على البيانات السابقة.
2- التحليل الكيفي
التحليل الكيفي هو وصف البيانات سواء لغة، معاني، أو أفكار، وأنواعه تلاتة:
2.1 النصي
2.2 المحتوى
2.3 الأسلوبي
يستخدم لتحليل النصوص وفهم المحتوى بتاعها.
تحليل المحتوى كأفكار ومفاهيم.. زي المحتويات الثقافية.
تحليل الأساليب المستخدمة في التواصل.. زي الايميلات.
قبل تحليل البيانات
قبل ما تحلل البيانات، لازم تعمل حاجات مهمة عشان تتأكد إن البيانات دي ممتازة ومناسبة للتحليل اللي إنت عايز تعمله. خد بالك من الـ 6 نقط دول:
حدد هدفك
حدد السؤال اللي إنت عايز تحلل البيانات علشان تعرف إجابته. بحيث تركز التحليل على البيانات المناسبة وتضمن إن الإجابة اللي هتوصلها هتكون مفيدة.
جمع بياناتك
جمع البيانات اللي إنت عايزها للتحليل وهتفيدك بس. واتأكد إنها مفيهاش أخطاء أو حاجة مفقودة.
نظم المعلومات
قسم بياناتك بطريقة سهلة. ممكن تعمل أقسام أو متغيرات معينة بحيث تقسم البيانات لكذا فئة تسهل عليك عملية التحليل.
دوّر على المختلف
راجع أي قيمة غريبة مختلفة عن باقي البيانات أو مخالفة للنمط المتكرر. ممكن تحتاج تشيلها أو تراجعها بعمق أكتر فيما بعد.
اختار طريقة التحليل المناسبة
الطريقة المناسبة لتحليل البيانات بناء على السؤال أو المشكلة الأساسية ونوع البيانات اللي عندك. ده ممكن يشمل الاختبارات الإحصائية، والنمذجة، أو تقنيات تانية.
خطط للتحليل
خطط التحليل قبل ما تبدأه، يعني الخطوات التي هتمشي عليها والأدوات اللي هتستخدمها. ده بيساعدك على التركيز وتجنب الأخطاء أثناء عملية التحليل.
ماذا بعد تحليل البيانات
هتعرض نتائج التحليل إزاي؟
الـ Storyboarding يعني سرد أو رواية البيانات، هو شبه القصص اللي بنحكيها لأطفالنا أو أصدقائنا في حياتنا اليومية العادية. واستغلاله في عرض نتائج تحليل البيانات بيكون مفيد جدًا لأنه بيوضحها بسهولة من خلال الرسومات والجداول البيانية.
فوائد الـ Storyboarding
ممكن طريقة عرض تحليلك تشجع شخص إنه ياخد قرار مهم أو يعمل مبادرة جديدة، ويكون ليهم تأثير إيجابي عامة سواء على أشخاص أو مؤسسات لو بتعرض نتائج تحليلك لشركتك.
كل ده بسبب الفوايد العملية للـ Storyboarding، لأنها:
- بتضيف لمسة فنية وإنسانية للبيانات.
- بتضيف لمسة فنية وإنسانية للبيانات.
- بتضيف لمسة فنية وإنسانية للبيانات.
- بتضيف لمسة فنية وإنسانية للبيانات.
- بتفسر المعلومات المعقدة وبتبسطها جدًا.
- بتضيف قيمة للبيانات والنتائج اللي وصلتلها.
الـ Storyboarding والجمهور
تحضيرك للـ Storyboarding بيعتمد على الشخص اللي انت هتقدمله نتائج التحليل...
لو لجمهور غير متخصص
لو لجمهور متخصص
فالـ Storyboard لازم تكون فيها عناصر بصرية أكتر، وتركز على عرض الأفكار الرئيسية ونتائج التحليل بطريقة سلسة.
فالـ Storyboard لازم تكون مليانة تفصيل وشاملة كتير من المعلومات التقنية عن طرق التحليل والنتائج.
وفي النهاية، تحليل البيانات مجال مهم وضروري في عصرنا الحالي. وفيه مجالات وأقسام فرعية متشعبة. سواء كنت عايز تبدأ فيه أو تعرف عنه أكتر، هنكون سعداء باستقبال جميع أسئلتك.