القائد بالخدمه هي فلسفة القيادة اللي بيكون هدف القائد فيها الاساسي هو الخدمة. ده يختلف عن القيادة التقليدية اللي بيكون التركيز الرئيسي للقائد فيها هو نسمع كلام الشركة ونشوف اهدافها ايه اولا.
Your number one customer is your people
تعمل ايه علشان تخلي حياتهم افضل واسهل؟
- عكس Servant leadership هو Self serving.
- الانسان بيكون عامة عنده شخصيتين.
- في 3 اجزاء لادارة مستوى الاشخاص.
- واقلب الهرم القيادي – انت موجود لخدمتهم.
Robert k. Greenleaf عمل كتب كثيره عن الموضوع ده بتتكلم عن النقاط دي زي كتاب اسمه The Power of Servant Leadership
القياده بالخدمه هدفها نقل تفاعل الإدارة والموظفين بعيد عن السيطرة و AUTHORITY الى علاقات خدميه. دورك كقائد هنا فعلا هو الخدمه. طول الوقت انت بتشوف فين المشاكل اللي عندهم وتحلها. لازم تحاول بكل قوة انك تطور الصفات القياديه عندهم. ومطلوب منك التعاطف والاستماع والالتزام انك تسعى ان الموظفين يحصل ليهم نمو شخصي.
طبعا ده مش مناسب مثلا في الجيش او اي مكان محتاج قياة فرديه سريعه وقوية وقرارات سريعه ممكن يكون فيها حياة والموت. ساعتها محتاج شخص ياخد قرار حاسم الباقي يسمعه على طول.
لكن في شركتك على الحياه كده؟
عكس Servant leadership هو Self serving
يعني بكل بساطه انا ومن بعدي الطوفان المدير اهم حاجه – صعب توصله – كلامه يتسمع. انك تكون قائد خادم بيكون صعب.هل انت اناني؟
هل انت شايف نفسك احسن من غيرك أو العكس برضه شايف انك ضعيف ومش هتقدرومش قوي ومش تستاهل. خلي بالك في الحالتين تفكيرك في نفسك.
القياده بالخدمه فعلا مش هتبدا الا من شخص سوي نفسياً. المديرين الانانيين صعب انهم يتبعوا القياده بالخدمه لانه محدش هيتنك عليك في الشغل الا اذا هو مش شخص سوي.
الهرم القيادي كله اتغير لان دلوقتي انت مش على قمة الهرم. العكس انت اخر واحد في الهرم ولازم تخدم اللي محتاجينك ودورهم يخدموا الموظفين وبدورهم يبقى عندك موظفين ناجحين وسعداء يخدموا العملاء.
لما قلبنا الهرم القيادي دورك انك:
- تمكنهم وتقويهم وانت تحميهم
- تبقى موجود ومتفاعل مع قراراتهم.
- تصلح لو غلطوا.
- تشجعهم.
- لما ينجحوا تكسر الدنيا علشانهم.
مسؤوليتك انك تساعدهم يكسبوا – دي صعبه جدا عقليا ونفسيا وتنفيذيا.
الهرم القيادي العادي بيخدم اللي فوقه الموظف يرجع للمدير والشركة قوانين ولوائح لازم نتبعها محدش يخرج بره.
الانسان بيكون عامة عنده شخصيتين
تصحى الصبح عندك هدف تلبس تروح العربيه تسوق توصل المكتب تحضر الاجتماع تخلصك يومك تسوق البيت ترجع تعبان تاكل تنام وده اسمه RAT RACE لكن هيكون افضل لو صحيت الصبح اديت لنفسك شوية وقت لشخصيتك المفكرة.
- هو انا هاعمل ايه النهارده؟
- ايه هي القيم اللي انت عايز تتحرك بيها النهارده؟
مش هتستنى انهم يكونوا صبورين ولا لطاف ولا صادقين.
لكن القيم انت هتتحرك بيها لنفسك. لان العالم مش كله قبيح والكثير محتاجك.
للمره التانيه اؤكد ليك لاقياده بالخدمه مش سهله لانك عايز تخدم لنفسك قبل ما تقدر تخدم غيرك.
في نهاية اليوم اسال نفسك – عملت ايه النهارده خلاك حاسس انك شخص افضل وده متماشي مع رؤيتك لنفسك؟
اسال نفسك علمت ايه النهارده تتمنى انك تعمله بطريقه مختلفة؟
للاسف اليوم يبدا وينتهي وانت مش مدرك لاي حاجه حصلت.
فلو بتسال عن عادة من عادات SERVENT LEADERS هي انك تبدا يومك بهدوء عارف انت عايز تكون مين وتنهي يومك بهدوء عارف انت كنت مين فعلا.
في 3 اجزاء لادارة مستوى الاشخاص
الجزء الاول هو التخطيط
التخطيط معاهم للمستوى المتوقع والنتيجه النهائية. اللي متوقع انه هيكون افضل نتيجه واحسن مستوى.
الجزء الثاني هو الدعم اليومي
الدعم اليومي وقدرتك انك تخليهم يوصلوا للاهداف اللي حطيتوها سوا.
الجزء الثالث هو التقييم
- انت اكثر وقت بتقضيه فين؟
- هل الاهداف سليمه ولا الاهداف بتتغير؟
هل الطرق اللي هتساعده بيها والمهارات اللي بتساعده انه يكتسبها سليمه ولا بتتغير حسب الموظف وحسب الاحتياج وحسب المهام؟
التقييم يصبح قدرة حقيقيه للموظف انه يتعلم مش يتعاقب
بدل ما يكون التقييم
سيي جدا – سيء – متوسط -ممتاز – ممتاز جدا
يبقى التقييم
خبير – متمكن – كويس – محتاج اتعلم اكثر – مبتدا
علشان لما توصل لمرحله انه تعمل تقييم تعمل تقييم حقيقي لاهداف حقيقه.
ويبقى النقاش ازاي نقدر نرفع الموظف من مبتدا الى محتاج اتعلم اكثر او من دي ل كويس او من كويس ل متمكن او تبقى خبير.
هدفك كمدير
هو انهم في الاخر كلهم يبقوا خبراء. ودورك هو انك تشجعهم توجهم لو راحوا مكان غلط تهتف ليهم و CHEER THEM ON لو بيعملوا حاجه صح.
القيادة انك تخدمهم – هما يكونوا هدفك الرئيسي وتتعاونوا مع بعض علشان انت هدفك انهم يكسبوا لانهم لما يكسبوا انت هتكسب.
اتمنى انه قدرت اوضح ليكم اهمية الموضوع – وقد ايه انت مهم وقائد حتى لو من غير اي منصب. انصحك تقرا كتاب اسمه LEADING WITHOUT AUTHORITY
او الكتب اللي رشحتها ليكم فوق زي SERVANT LEADERSHIP IN ACTION
انت احسن بكثير مما تتخيل انت تقدر تخدم غيرك انت تقدر تكون SERVENT LEADER احنا محتاجين انك تكون SEVENT LEADER اكثر مما تتخيل لان SELF SEVEING TRADITIONAL LEADER اصبح قديم واحيانا مدمر.
خليك انت المثال اللي تحب تشوفه