اهلا وسهلا بيكم. هل قريت قبل كده جدول فيه ارقام واحصائيات كثيره من على برنامج PDF؟ ومكنتش عارف ازاي تقدر تستخرجها في Excel علشان تعمل تحليل عليها؟ لو واجتهك المشكلة دي قبل كده،في المقالة دي هقدر اني اساعدك خطوة خطوة.
عشان تستخرج بيانات من صيغة PDF في كذا برنامج يقدر يعمل كدا بس هنا هوريك أسهل طريقة ممكن تعمل كدا.
في الشغل، عمومًا بتقابل ملفات PDF كل يوم. كتير من الأحيان، الفايلات دي بتحتوي بيانات عايز تستخدمها في مكان تاني، زي مثلاً تعمل حسابات في ورقة Excel.
علشان تقدر تعمل كده، لازم تستخلص البيانات من الملف الـ PDF. فبتنسخ البيانات وتلصقها في Excel وتبدأ في الحسابات. لو بس عايز تعمل كده لملفين أو تلاتة PDF، كده هيبقى تمام.
بس لو عندك مئات المستندات لازم تتعامل معاهم، فده بيبقى كابوس وبياخد وقت كبير في النسخ واللصق.
عشان كده، ما فيش غباء في دراسة طرق أكثر ذكاء لاستخلاص البيانات من ملف PDF وتحويلها لـ Excel. وده بالظبط اللي هنعمله في المقال ده.
هشرح أولاً أفضل برنامج لاستخلاص البيانات من ملف PDF وتحويلها لـ Excel، بعدين هتكلم عن مميزات وعيوب البرنامج، وفي الأخر، تقدر تقرر اذا الأداة دي هتساعدك أنت وشركتك على تفوق في تجهيز البيانات بشكل ذكي!
يلا بينا.
ده برنامج ظريف جدا بيستعمل Java علشان يقدر يحدد كل الجداول الموجوده في اي PDF. لازم تخلي بالك انه لازم الجداول تكون متحوله لصياغة PDF مش صورة مثلا وحد حولها ل PDF لانه احيانا مش بيعرف يشتغل عليها كده. يعني لازم مصدر الملف اللي بتسخدمه يكون في صيغة PDF.
البرنامج ده من أحسن البرامج اللي بتتوافق مع ويندوز، وماك.
دوس علي الرابط هنا عشان تحمل البرنامج.
بعد ما تشغل البرنامج هيفتح ليك CMD ومنه صفحة هتختار منها ال PDF من على جهازك وتعمل Import.
بص للصورة.
بعد ما يفتح معاك PDF اختار منه الجدول اللي انت عايزه Drag من اول الجدول فوق على الشمال لاخر الجدول تحت على اليمين.
قبل ما تعمل أي حاجة أو تعمل EXPORT لازم تعمل preview عشان تشوف شكل الجدول عامل ازاي لما تستخرجه.
بعد كده هتعمل حاجة أسمها Export ودا انك بتستخرج الملف بالطريقة اللي انتا عايزها وفي الحالة دي هيكون الملف CSV.
طبعاً هنا انتا تقدر تعمل اللي انتا عايزه أو حتي ممكن تسيبه كدا أو ممكن تضيف أي بيانات ماكنتش موجودة في ال PDF.
أولاً المزايا:
ثانياً العيوب:
اتمنى انك تكون استفدت من الأداة دي ولو لقيت حاجة تانية حلوة اكيد هاشاركم بيها. ان شاء الله تنجح وتكسر الدنيا وتكون احسن حاجه نفسك فيها تفيد نفسك والعالم.
لو في حاجه سريعة ومهمة هابعتهالك من هنا
Sign in to your account