محمد الشريف - Social Media Intelligence بالعربي
  • الصفحة الرئيسية
  • المدونة

    الأقسام

    عـــام
    تسويـــق
    الإستماع الذكي
    تقارير
    عرض البيانات
    أدوات
  • من انا
  • تواصل معنا
Reading: اطفالنا والإعلام الاجتماعي
شارك
Aa
تواصل معنا
محمد الشريف - Social Media Intelligence بالعربي
Aa
Search
  • الصفحة الرئيسية
  • Social Media Intelligence
  • المدونة
  • من انا
  • تواصل معي
Have an existing account? Sign In
Follow US
Copyright © 2014-2023 Ruby Theme Ltd. All Rights Reserved.
محمد الشريف - Social Media Intelligence بالعربي > المدونة > عام > اطفالنا والإعلام الاجتماعي

اطفالنا والإعلام الاجتماعي

محمد الشريف
Last updated: 2023/11/27 at 11:17 صباحًا
محمد الشريف عام
شارك
8 Min Read

اهلا وسهلا بيكم في مدونتي. غالبا انت اب او انتي ام بتقرأوا المقاله دي لان العنوان جذب اهتمامكم. انا محمد الشريف وعندي ابن صغير في السن وتعرف على الموبايل والكمبيوتر بسببي.

العناوين الرئيسية
اطفالنا والإعلام الاجتماعي 1- توضيح الايجابيات 2 - توضيح السلبيات 3- مراقبة المحتويات4- كن قدوة

 

ادرك تماما مقدرا الراحه لما بنسيبوا يلعب لوحده عليه. لكن في نفس الوقت مش عايزين يلعب كتير علشان م يتعودش عليه وممكن يضره. والاهم الانترنت ممكن يوصلوا بحاجات اكبر من سنه او توصل اليه حاجات اكبر من سنه تضر العائلة كلها.

 

ممكن علشان كده حبيت اكتب عن الموضوع ده اللي هيكون فيه نصائح لي ولكم عن الاطفال والانترنت.

اطفالنا والإعلام الاجتماعي

في زماننا دلوقتي ومع الإنتشار الجامد للتكنولوجيا، وسايبين التواصل الاجتماعي بقى جزء ضروري من حياة أولادنا. السوشيال ميديا بتقدم مزايا كتير زي التواصل مع الناس ومشاركة الأفكار والوصول للمعلومات، بس مهم نعرف إنها ممكن تأثر على صحة أولادنا.

 

استخدام التواصل الاجتماعي بشكل زيادة بيقلل من النشاط البدني والتواصل الاجتماعي الحقيقي، وده ممكن يأثر على نموهم وصحتهم. ومش بس كده، الأولاد قدامهم محتوى متنوع على السوشيال ميديا، وممكن يشوفوا حاجات ضارة أو مش لائقة بتأثر على مواقفهم ومعتقداتهم وسلوكهم.

 

فشايفين إنه لازم نكون متابعين مع أولادنا ونحدد لهم إرشادات ونضع حدود واضحة على استخدامهم للسوشيال ميديا بشكل صحي وآمن.

 

1- توضيح الايجابيات

يجب ايضاح مفهوم الانترنت للاطفال من اللحظة اللي بدأ يدرك فيها وجوده. وده يختلف من طفل لطفل حسب ادراك وسرعه اهتمام الطفل.

 

بعض الاطفال ممكن من سن 3 سنين وبعضهم ممكن من 5 او 6. هنا عليك ايضاح فكرة الانترنت وانه ازاي بيسمح لينا انه يوصلنا للعديد من المعلومات بسرعه او بيوصلنا بالعديد من الاشخاص.

 

مثلا ممكن تستخدم Messenger مع العديد من الاشكال والخلفيات وهو بيكلم جده او تيته او اولاد الاخت والاخ. ويفهم انه الانترنت نعمه من عند ربنا بيخلينا نوصل بسهوله للي بنحبهم.

ايضا ممكن يستخدم الانترنت علشان يعمل حاجات هو بيحبها. احد افضل المواقع من سن 3 سنين هو موقع عصافير الموقع فيه اسمع, العب, الرسم, اقرا.

 

القصص اغلبيتها مفيده جدا ولا يوجد فيها اي ضرر. طبعا يجب التركيز على الاشياء اللي بيحبها هو. يعني مثلا مش اروح اعلمه برمجه وهو مش بيحبها او تصميم وهو مش بيحبه.

 

احد الشركات اللي عملت مجموعه برامج جيده جدا هي RV AppStudios للاطفال. عندهم مثلا:

  • Coloring
  • Words
  • Math
  • Numbers
  • ABC. 

وفيه حاجات تانيه ممكن طفلك يحبها او لا بس اكيد يستاهل انك تجربه.

ايضا حبي الحقيقي مع ابني هو Khan Academy Kids وهو مناسب من سن 3 سنين ومفيد جدا وممكن يكون وقت مخصص ليه قبل النوم مثلا. ممكن تحمله من هنا:

حمل من هنا

ايضا، احد التجارب الجميلة جدا اللي بفكر اعملها مع ابني هي وقت الروح الإيجابية. وهو انه نشوف محتوى من المحتويات الجميله طفل يرسم مثلا او ولد بيقرا قرآن او اي محتوى إيجابي ونكتب ليه تعليق ايجابي جدا زي. انت ولد رائع برافو. وده مش بس بيوصل الايجابيات لابنك او بنتك، كمان يزرع فيه روح إيجابية تجاه الاخرين ويقلل فرص انه يكون متنمر ان شاء الله.

2 - توضيح السلبيات

اه خلي بالك يا حبيبي علشان مش كل الناس كويسه على الانترنت. فيه ناس كتيره بيبقوا عايزين يؤذوك او يخربوا الجهاز بتاعك. لازم

 

متقلش لحد انت ساكن فين وانت ما تعرفوش. لازم تكون حذر جدا متدوسش على اي حاجه اونلاين انت مش تعرفها.  الانترنت مكان مخيف لان مسموج لاي حد انه يتواصل مع اي حد لو انت مش بتحمي نفسك كويس.

هنا لازم انت تبين ليه قد ايه الانترنت مكان واسع جدا وممكن زي ما هو بيوصله للحاجات اللي هو بيحبها، هيوصل الحاجات الوحشه ليه حتى لو هو مش عايزها وانه لازم يعرف ازاي يدافع عن نفسه.

 

في المرحلة دي لازم يدرك الطفل انه التنمر موجود وانه مش كل الناس ايجابيين وعملية الدفاع عن النفس بتكون موجوده في الواقع وفي الافتراضي.

3- مراقبة المحتويات

معرفة ابنك غير كافيه. حب التجربه ممكن انه يوصله لمحتويات غير مناسبه ليه او من غير حب معرفة, ممكن بالخطأ يصل لمحتويات غير مناسبه. هنا يجي دور المراقبه الغير مباشره. يعني مش تروح تقله وريني انت بتعمل ايه؟

 

لأ، الفكرة انه يشعر بالثقه انك عارف انه مش هيضر نفسه ولا هيضر غيره. لو انت رافض فكرة اه يكون عنده تابلت خاص بيه وبتديله موبايلك انت، يبقى لازم يكون طفلك حواليك وهو بيستخدم الموبايل او التابلت. لازم في الاول تخليه يشاركك ويحب انه يوريك انجازاته مهما كانت تافهه في نظرك.

اطلب منه دايما انه الصوت يكون مفتوح و عالي عشان تسمع اللي بيحصل او اسأله ليه مش سامع اي حاجه.

 

بفكرك انه الهدف الرئيسي انه تكون عارف هو بيتفرج او بيلعب اي مش الهدف انك تبقى فوق دماغه وتحسسه انك مش عندك ثقه فيه..

4- كن قدوة

صعب جدا تقول لابنك – يلا علشان عينيك!! كفايه كده!! وهو بيشوفك انت قاعد على الموبايل وانت في الحمام وانت بتاكل وقبل ما تنام!

 

لو حابب انه ميكونش متعلق بيه لازم تسال نفسك انا بعمل ايه. انا طبعا مش بقلك متقعدش على الموبايل بتاعك، لكن بقلك وريه انك مش بتقعد عليه طول الوقت. اعمل وقت مثلا للراحه النفسيه كلنا نقعد سوا نحكي عملنا ايه في يومنا وايه اكثر حاجه حلوه وايه اكثر حاجه وحشه ضايقتنا ونصلحها ازاي. نفسنا ايه مثلا انه يحصل بكره او كان نفسنا في ايه يحصل النهارده.

 

نشكر ربنا على نعمه ايه النهارده اللي كانت مميزه جدا. وكل ده يكون من غير الموبايل. لازم يفهم انه ده مجرد شيء مساعد مش اساسي في حياتنا في كل تصرفاتنا اليومية. وانه ممكن يكون عندنا وقت محدد ليه لو طولنا عليه فده بياخد من وقت حاجات تانيه مثلا.

 

لو اتفرج على 3 قصص من عصافير فده يخلينا مش نعمل 3 من خان اكادمي 2 بس. وهكذا. فاهم شيء لازم ندركه هنا انه احنا بنربي نفسنا مع اولادنا.

اتمنى يكون المحتوى ده ممتع ومفيد. لو حبيته اعمل شير ليه لاصدقائك شاركني في التعليقات ايه اكثر الطرق اللي شفتها إيجابية مع توضيح وتسهيل تعامل الاطفال زي ابني وابنك مع الإعلام الاجتماعي والانترنت.

بفكرك انه الهدف الرئيسي انه تكون عارف هو بيتفرج او بيلعب اي مش الهدف انك تبقى فوق دماغه وتحسسه انك مش عندك ثقه فيه..

الوسوم أطفال, إعلام اجتماعي, الأمان الرقمي, تربية, نصائح للوالدين
محمد الشريف يونيو 21, 2020
شارك المقالة
تويتر واتساب واتساب لينكدان انسخ
ايه رايك في المقالة؟
حبيتها0
احزنتني0
اتبسطت0
اغضبتني0
By محمد الشريف
Follow:
انا محب للناس واتمنى ان نجد الارض مليئة بالخير والمحبة بين مخلوقات الله دائما وابدا. انا شخصية تستمد قوتها من الاشخاص واقدم دائما الافضل وانا اعمل معهم. احب متابعة الانيميشن الياباني وكل ما يتعلق ايضا بسرد القصص من البيانات. احب القدرة على توصيل المعلومات الصعبة بكل سهولة للجميع. احاول زيادة المحتوى العربي القيم ولست متخصص في اللغه العربية. لذلك اتمنى ان تجد ما اقدمه مفيدا لك في حياتك المهنية والعامة.

البحث في الموقع

المواضيع

  • أدوات3
  • الإستماع الذكي للبيانات4
  • تسويق3
  • تقارير3
  • عام5
  • عرض البيانات5

ممكن يعجبك كمان

عام

ال GDPR وبراندات الشرق الأوسط

محمد الشريف محمد الشريف
عام

الدليل الأساسي لأبحاث وسائل التواصل الاجتماعي

محمد الشريف محمد الشريف

يعني ايه Servant Leader?

محمد الشريف محمد الشريف
  • Social Media Intelligence
  • تواصل معي

هدفي هو نشر العلم وخلق مجتمع هادف وواعي بمجال ال Social Media Intelligence بالعربي. 

النشرة البريدية

جميع الحقوق محفوظة لـ محمد الشريف © 2023

Follow US

اشترك معانا لو تحب ابعتلك الاخبار في الايميل

اتمنى لك النجاح دائما

لو في حاجه سريعة ومهمة هابعتهالك من هنا

اتمنى انك تتواصل معايا في اي وقت لو محتاج مساعدة
Welcome Back!

Sign in to your account

نسيت كلمة السر؟