اهلا وسهلا بيكم. هل قريت قبل كده جدول فيه ارقام واحصائيات كثيره من على برنامج PDF؟ ومكنتش عارف ازاي تقدر تستخرجها في Excel علشان تعمل تحليل عليها؟ لو واجتهك المشكلة دي قبل كده،في المقالة دي هقدر اني اساعدك خطوة خطوة.
كيفية استخراج البيانات من صيغة PDF
عشان تستخرج بيانات من صيغة PDF في كذا برنامج يقدر يعمل كدا بس هنا هوريك أسهل طريقة ممكن تعمل كدا.
في الشغل، عمومًا بتقابل ملفات PDF كل يوم. كتير من الأحيان، الفايلات دي بتحتوي بيانات عايز تستخدمها في مكان تاني، زي مثلاً تعمل حسابات في ورقة Excel.
علشان تقدر تعمل كده، لازم تستخلص البيانات من الملف الـ PDF. فبتنسخ البيانات وتلصقها في Excel وتبدأ في الحسابات. لو بس عايز تعمل كده لملفين أو تلاتة PDF، كده هيبقى تمام.
بس لو عندك مئات المستندات لازم تتعامل معاهم، فده بيبقى كابوس وبياخد وقت كبير في النسخ واللصق.
عشان كده، ما فيش غباء في دراسة طرق أكثر ذكاء لاستخلاص البيانات من ملف PDF وتحويلها لـ Excel. وده بالظبط اللي هنعمله في المقال ده.
هشرح أولاً أفضل برنامج لاستخلاص البيانات من ملف PDF وتحويلها لـ Excel، بعدين هتكلم عن مميزات وعيوب البرنامج، وفي الأخر، تقدر تقرر اذا الأداة دي هتساعدك أنت وشركتك على تفوق في تجهيز البيانات بشكل ذكي!
يلا بينا.
خطوات استخدام البرنامج لتحويل البيانات
1- نزل tabula
ده برنامج ظريف جدا بيستعمل Java علشان يقدر يحدد كل الجداول الموجوده في اي PDF. لازم تخلي بالك انه لازم الجداول تكون متحوله لصياغة PDF مش صورة مثلا وحد حولها ل PDF لانه احيانا مش بيعرف يشتغل عليها كده. يعني لازم مصدر الملف اللي بتسخدمه يكون في صيغة PDF.
البرنامج ده من أحسن البرامج اللي بتتوافق مع ويندوز، وماك.
دوس علي الرابط هنا عشان تحمل البرنامج.
2- شغل البرنامج tabula.exe
بعد ما تشغل البرنامج هيفتح ليك CMD ومنه صفحة هتختار منها ال PDF من على جهازك وتعمل Import.
بص للصورة.
3- اختار الجدول
بعد ما يفتح معاك PDF اختار منه الجدول اللي انت عايزه Drag من اول الجدول فوق على الشمال لاخر الجدول تحت على اليمين.
4- Preview
قبل ما تعمل أي حاجة أو تعمل EXPORT لازم تعمل preview عشان تشوف شكل الجدول عامل ازاي لما تستخرجه.
5- Export
بعد كده هتعمل حاجة أسمها Export ودا انك بتستخرج الملف بالطريقة اللي انتا عايزها وفي الحالة دي هيكون الملف CSV.
6- CSV
طبعاً هنا انتا تقدر تعمل اللي انتا عايزه أو حتي ممكن تسيبه كدا أو ممكن تضيف أي بيانات ماكنتش موجودة في ال PDF.
الفيديو ده بيوريك خطوة بخطوة
مزايا وعيوب الأداة
أولاً المزايا:
- الأدوات دي بتستخرج البيانات من الجداول بسرعة ودقة تامة، يعني على طول وبدون تفكير.
- بتقدر تستخرج البيانات وتحفظها بصيغ مختلفة تانية، يعني بتتماشى مع كل الاحتياجات.
ثانياً العيوب:
- المشكلة إن الأدوات دي بتشتغل بس على ملفات PDF الأصلية، يعني ممكن ما تشتغلش على ملفات PDF من نوع تاني.
- لازم يكون عندك خبراء في الشغلة دي، مش هتقدر تستخدم الأدوات دي إلا لما تكون عندك ناس عارفة تتعامل معاها.
- لازم تعرف إن العملية مش مئة في المئة تلقائية، يعني قد تحتاج لشوية شغل يدوي.
اتمنى انك تكون استفدت من الأداة دي ولو لقيت حاجة تانية حلوة اكيد هاشاركم بيها. ان شاء الله تنجح وتكسر الدنيا وتكون احسن حاجه نفسك فيها تفيد نفسك والعالم.