في المحتوين اللي فاتوا اتكلمنا على اهمية الرسومات البيانية لشرح القصص والمعلومات بصورة مبسطه. هاتلاقيهم في:
- https://mohamedelsherif.com/right-data-visualization/
- https://mohamedelsherif.com/right-data-visualization-part2/
المحتوى ده انا هاوضح مجموعه من الرسومات المستفزة لاي حد بيقرا البيانات بصورة احترافية. مش بس كده، كمان لو حد مش محترف هاتخليه ياخد فكرة خطأ عن البيانات اللي بيقراها واكيد انت مش قصدك توصل معلومات غلط. بسم الله نبدا ب
Pie Charts
اوقات كثيره جدا ال Pie Chart بيكون شكلها حلو جدا في نظرك لكن فعلا هيا ممكن تكون خادعه. على سبيل المثال:
انهي اكبر فرع في رايكم؟ هل هو فرع أ ولا فرع ب؟ حتى لو عرفت الاجابة الصحيحه، اكيد اخدت وقت علشان تكون واثق في اجابتك. وهنا بتكمن مشكلة ال Pie في النتائج المتاقربة. لو بصينا في الرسمة للبيانات نفسها:
هاتلاقي انه سهل جديد دلوقتي تحديد الاكبر. احد ثاني اكبر اللعنات في الرسومات هي
3D
انا عارف انك متخيل ان الرسمه هتكون جميله لكن اجوك لأ مش جميله ولا مفيده بل بالعكس ممكن تكون مضلله.
بلا اي مبالغه دي الرسمة اللي بتطلع ليك من الاكسل واللي للاسف بيحطها العديد من مستخدمين الاكسل للمره الاولى مقتنعين انها كده كويسه. لأ مش كويسه ومش تستخدمها!
النقطه الثالثه ودي احد النقاط الخبيثة جدا لمدى اهميتها وهي
Secodnery y axis
انا بنفسي بستخدم الرسمه دي في اوقات كتيره لكن بحاول اني اتجنب مشاكلها. مثلا خلينا نبص على الرسمة دي:
فرع ت ازاي عدد الموظفين فيه اعلى من المبيعات؟ هل اصلا عدد الموظفين اعلى من المبيعات؟ طيب كام عدد الموظفين وكام عدد المبيعات؟
لو اخدت وقت وحسيت انك دماغك اشتغلت بصورة اكتر من اللازم علشان تجاوب، يبقى الرسمة دي كانت صعبه. معظم الحلول اللي بتكون موجوده بتبقى انه نخلي الرسومات فوق بعضها وده بيكون انك بتاخد قص ولصق وحوارات مش بحبها جدا. ابسط حاجه ممكن تعملها على الاقل انك تخلي الالوان مختلفة ومتشابها زي كده:
وده هيساعد بشكل بسيط ان اللي بيقرا يربط ما بينهم.
اتمنى تكونوا استفدتم من السلسله دي في توضيح اساسيات الرسومات البيانية للجميع. لو عندكم اي تعليق، قولي تحت وانا هارد عليك. اتمنى ليكم يوم سعيد.
