الإستماع الذكي للبيانات تقارير

اختيار الوحدات القياسية – Choosing the Right Metrics

بواسطة

في البداية خليني اشرح ليك الفرق الجوهري ما بين 3 انواع من وحدات القياس

KPI
Key Performance Indicator

KBI
Key Business Indicators

KRI
Key Risk Indicators

الKPI هي الأكثر شهرة ما بين كل الاشخاص في كل المجالات. سابقا كنت وضحت انه مش كل وحدات القياس تعتبر KPI ولكن كل العكس صحيح. ممكن تبص على المحتوى الي كتبته عن الموضوع ده هنا: 

ال KPIs تقدر تعتبرها كل المعاير القياسية الغير ماليه زي الجوده – الكفاءة – السرعه – الاوتوماشين. هي بتكون مفيده جدا علشان تفهم اللي حصل في الماضي او بيحصل حاليا. 

طيب لو العكس؟ لو المعاير اللي بتقيسها مصممة مخصوص لقياس امور مالية؟ هنا بقى نستخدم المسطلح الثاني وهو KBI. هي بتكون غالبا Operational زي مثلا: 

  1. تكلفة الموظفين. 
  2. تكلفة البحث والتطوير. 
  3. التكلفة من الاجمالي. 

والتكلفات والربح عامة ليهم معايير كثيـــــــــــره جدا كنت في مره قريتها تحت حاجه اسمها Profitability Tree وده مثال عليها: 

وهنا نيجي على النوع الثالث وهو غير مشهور للاسف بالرغم من اهميته او يتم الخلط بينه وبين ال KPI. النوع الثالث هو KRI Key Risk Indicators وفيه يتم مراقبة العوامل والمعاير المهمة المؤثرة علبك داخليا او خارجيا. العوامل دي ممكن تعملك مشكلة كبيرة في المستقبل. مثلا: 

  1. معايير داخليه للميزانية.
  2. مراقبة لاسعار الموردين. 

نيجي دلوقتي بقى على العنوان المهم اللي خلاني اصلا اكتب المقاله دي. اختار وحدات القياس على اساس ايه؟ 

بكل بساطه، ورقه وقلم وركز معايا: 

  1. وحدة القياس سهل انك تشرحها.
  2. فيه طريقه واضحه للحساب. 
  3. انت عندك القدرة للحصول على ارقامها علشان تحسب اصلا. 
  4. ليها علاقه باي هدف من اهداف الشركة.
  5. لو رجعت مرة تانية تعمل الحساب لنفس الفترة، هل تقدر تحافظ على النتيجة؟ 

انت كمحلل وكاتب للتقارير لازم تركز على المستقبل. اللي بتعمله ده مفيد للمستقبل ولا مجرد تلخيص للماضي؟ 

من المهم انه في تقريرك تبقى حاطط وحدات قياس بتشرح الماضي لكن تزود برضه  Leading Metrics بتشرح وتستنج الوضع هيكون ازاي في المستقبل وتخطط ازاي ال KPIs بتاعتك هتتحرك. 

بعد ما تحدد انت بتتكلم في KPI ولا KBI ولا KRI محتاج تحدد هو مين اللي هيقرا التقارير؟ 

يعني مثلا المدير مش هيقرا التقرير بس هيقرا ملخص. ايه وحدات القياس المهمة للمدير؟ دي هتكون غير الوحدات اللي هتعرضها لرئيس التسويق وغير الموظف. 

طيب لو حابب تعمل مقارنة في وحدات القياس ممكن تعملها ما بين الارقام الحاليه وايه؟ 

  1. رقم مشابه في نفس الوقت من قسم تاني. 
  2. نفس كل حاجه لكن من سنه فاتت مثلا. 
  3. قارن الفلوس اللي اتصرفت علشان توصل بيها لده من حملة قديمه. 
  4. توقع المستقبل. 
  5. او ابسط نوع، قارن مع شركات تانيه. 

شكرا للجميع. اتمنى يكون المحتوى ثري ومفيد. ان شاء الله المحتوى القادم اشرح لكم الفرق ما بين درجات التحاليل من تحليل وصفي الى اعلى درجه في كتابه التقارير. كنتم مع محمد الشريف في Social Intelligence 101 اتمنى ليكم حياة سعيدة ومفيدة لنفسك ولكل عباد الله سبحانه وتعالى.  

ربما يعجبك أيضا

%d مدونون معجبون بهذه: