سؤال شهير جدا واجابته ثابته في معظم الوقت من اي شخص. لكن خليني ازود ليك شيء من المهارات الشخصية في الموضوع ده. ارجوك! العبره مش بوجود الكورسات ولا انها كثيره. العبره مش ب اللللللللحق العرررررررررض كورس تسويق ب 900 دولار دلوقتي ب 24 دولار ولا انك عندك اكبر مكتبه في كتب التسويق. العبره في الفائدة التطبيقية للمواضيع دي. يعني تقعد ساعتين مع حد يعلمك تعمل ايه علشان تحل مشكلة احسن من انك تقرا 100 ساعة نظري من غير ما تفهم حل ده ايه لمشكلتك.
طيب تعمل ايه دلوقتي؟ كل مصدر من اللي هاعرضه ليك دلوقتي موثوق فيه من الناحيه التعليمية. لكن قبل ما تبدا الكورس اقرا كل المعلومات اللي المفروض هيقدمها. هل ده اللي انت عايز المعلومات دي؟ العبره مش انك تعرف. العبره انك تكون شايف تطبيق للموضوع ده في حياتك اللي انت عايز تبداها او تتفوق فيها.
Amazon Advertising learning console
Twitter Flight School
HubSpot Academy
Google Skillshop
Hootsuite Academy
Facebook blueprint
انت عندك الموارد واكيد في غيرها كتير جدا علشان كده ارجوك ركز على العلم واذا اللي موجود ده اللي انت عايز تتعلمه ولا لأ مش انك تخلص اكبر عدد وتجمع شهادات وخلاص.
