محمد الشريف

باحث ومحلل لبيانات مواقع الاعلام الاجتماعي

محتاج تعمل ايه قبل ما تحلل البيانات؟

تقارير

ايما لما بقعد مع الفريق بنفكر في التقرير اللي عايزين نطلعه لاي عميل بنفكر في كذا نوع من التحليلات. اشهر واول نوعين دايما بنحاول نفرق ما بينهم هما: التحليل الاستكشافي والتوضيحي.

التحليل الاستكشافي

هو كل حاجه بتعملها علشان تحاول تفهم البيانات وتطلع منها اي ملحوظة جديره بالملاحظة أو مثيرة للاهتمام. مثلا: رقم معين ضخم جدا – متوسط فترة معينه مختلف بشدة عن فترة تانيه. عدد المحتويات تضخم بنسبة كبيره جدا عن بقية المنتجات. هنا انت تركيزك على اكتشاف العلاقه او النقطة المهمة في الارقام. وده بيكون في الاول وبيكون سريع واكثر Quantitative Analysis.

التحليل الوصفي

انت هنا بتدور على Qualitative Information بتشرح ليه ده حصل؟ مين اللي أثر فيه؟ اشمعنى؟

علشان تجاوب على الاسئلة دي محتاج التالي:

  • انت بتوصل التقرير ده لمين؟ مدير في الحكومه غير مدير في قسم التسويق.
  • انت عايز اللي بيقرا يعمل ايه بعد ما ياخد التقرير بتاعك؟
  • ازاي التقرير اللي انت هتكتبه هيكون فيه طريقة علشان يعمل اللي انت متخيل انه عايز يعمله؟

يعني بكل بساطه لو حابب تعمل Explinatory Analysis بعد ما خلصت ال Exploratory Analysis جاوب على 3 اسئلة.

مين اللي بيقرا التقرير؟ \ انت عايزه يعمل ايه؟ \ هيعمله ازاي بالداتا بتاعتك لما يقرا التقرير؟

Storyboarding – تكوين القصة اثناء كتابة التقرير

لما بطلب من الفريق انه يعمل تقرير لعميل اول حاجه بيعملوها هي Template بعد ما شافوا البيانات. الغرض منها هو تحديد القصة اللي البيانات بتخدمها. ربط كل الارقام مع بعضها البعض لتكوين قصه واضحه مترابطه بتخدم ال 3 اسئلة اللي شرحناها المحتوى اللي فات: 

  • بتخدم الشخص اللي هايروح ليه المحتوى. يعني قصة البيانات لمدير القسم المالي – غير القصة اللي عايز اوضحها لنفس البيانات بس لمدير قسم الاعلانات. 
  • القصة بتوضح انا عايزه يعمل ايه بالظبط. 
  • القصة فيها معلومات تخليه يعرف ياخد قرار فعلا. 

فبكل بساطه بطلب منهم يقولوا ليا بصورة سريعه جدا في دقيقة واحده ايه القصة اللي عايزين يقولوها في التقرير قبل ما نبدا نكتب. احد الكتب الجميله اللي بتتكلم عن Presenting Visual Stories هو كتاب Nancy Duarte لسنه 2010 Resonate وبتشرح فيه ترتيب القصة ووضعها مهتميه بالجمهور جدا. ده فيديو وهي بتشرح فيه الكتاب:

اتمنى اني يكون المجتوى بسيط ومفيد واني اكون قدرت اشرح بكل بساطه يعني ايه Storyboarding واهمية القدرة على فهم Context التقرير قبل البداية في تحليل البيانات وكتابة التقرير فعليا. 


محمد الشريف

انا محب للناس واتمنى ان نجد الارض مليئة بالخير والمحبة بين مخلوقات الله دائما وابدا. انا شخصية تستمد قوتها من الاشخاص واقدم دائما الافضل وانا اعمل معهم. احب متابعة الانيميشن الياباني وكل ما يتعلق ايضا بسرد القصص من البيانات. احب القدرة على توصيل المعلومات الصعبة بكل سهولة للجميع. احاول زيادة المحتوى العربي القيم ولست متخصص في اللغه العربية. لذلك اتمنى ان تجد ما اقدمه مفيدا لك في حياتك المهنية والعامة.